«Үктэл» торум»

Тема: Норуот үтүө үгэстэригэр оло5уран о5олору иитии.

Тобул санаа:  О5о ба5атын, кыа5ын учуоттаан туран сиэр-майгы быһытынан уонна дэгиттэр сатабыллаах буола иитиллэн тахсарыгар сөптөөх эйгэни  тэрийии.

Тоһо5олооһун:   Иитэр-үөрэтэр үлэ ньымалара бүүс-бүтүннүү атын омук тылынан-киэбинэн ыытыллара о5о өйүн үлэтин мөлтөттө, ордук толкуйдуур дьо5урун сүтэрдэ. Төрөппүттэр о5олорун кытта сэһэргэһэллэрэ, бииргэ үлэлииллэрэ, иллэң бириэмэлэрин тэңңэ атаараллара сылтан сыл аайы кыччаан иһэр. Төрөппүт уонна о5о уйул5аларын икки ардынаа5ы ситим быстарыгар тиийдэ. Төрөөбүт тыл уонна нруот педагогиката иитэр-үөрэтэр суолталарын олоххо киллэрэн,  кинилэри түмэр уонна сайыннарар түмсүүлэр, бөлөхтөр суохтарын кэриэтэ. Норуот эт-хаан сайдарыгар аналлаах оонньуулара, астара-танастара умнууга хаалбыттара үүнэр көлүөнэ доруобуйатыгар, уйул5атыгар буортулаах дьайыыны онордо, о5о доруобуйата мөлтүүрүгэр тириэртэ. 

Объект:  Кылаас салайааччыта, предметник учууталлар уонна төрөппүттэр бары бииргэ түмсэн, сүбэлэһэн норуот үтүө үгэстэригэр оло5уран иитэр-үөрэтэр үлэлэрин дьайыыта.

Предмет: Норуот үтүө үгэстэрин нөңүө сөптөөх иитэр үлэни тэрийии.

Сүрүн сорук:  О5о киһи быһыытынан сиэрдээх-майгылаах, сахалыы куттаах-сүрдээх буола иитиллэн тахсарыгар иитэр-үөрэтэр үлэни тэрийии.

Самалык соруктар:

•1.       Иитэр үлэ5э норуот педагогикатын үгэс сыллаа5ы эргиирин төрүт оңостуу.

•2.       Хас биирдии о5о сатабыллаах буола сайдарыгар бары кыа5ы биэрии.

•3.       Айыл5а сайдар сокуоннарын чиңник билэр, ол билиилэрин олоххо табыгастаахтык туһанар, тыйыс усулуобуйаны тулуйар чэгиэн-чэбдик доруобуйалаах о5ону иитии.

Сылыктааһын: Өскөтүн о5ону иитиигэ кылаас салайааччылара, төрөппүттэр өйдөрүн-санааларын холбоон, төрөөбүт ийэ тыл уонна норуот үтүө үгэстэрин көмөлөрүнэн о5о уйан уйул5атын уһугуннаран, айыл5аттан бэриллибит дьо5урун таба тайаннахтарына,  киһи быһыытынан үтүө санаалаах, дэгиттэр талааннаах, сахалыы куттаах-сүрдээх о5ону иитэн таһаарыахтаахтар.

Үлэ түмүгэ: Төрүт үгэскэ сыһыарар эйгэни тэрийдэххэ үөрэнээччи үтүө санаалаах, төрүт тультуратын сыаналыыр, төрөөбүт айыл5атын харыстыыр, үөрэ5эр дьоһуннаахтык сыһыаннаһар, туох туһаны оңорорун өйдүүр, бэйэтин кыа5ын толору туһанар, өй-санаа, эт-хаан, сиэр-туом өттүнэн сайдарыгар дьаныардаахтык үлэлиир киһи буола иитиллэн тахсар.

Тэриллибит эйгэ5э үлэ көрүңнэрэ: Кылаас чаастара, бэсиэдэлэр, куруһуоктар, көрсүһүүлэр, түмсүүлэр, өбүгэбит оонньуулара, викториналар, дьоро киэһэлэр.

Хайысхалар:

•1.       О5ону кытта үлэ.

•2.       Төрөппүтү кытта үлэ.

Үлэ тирэхтэрэ: Эркээйи уйул5а үөрэ5э. К.С. Чиряев «Норуот педагогикатын ыллыктарынан», 1995с.

Үлэ түһүмэхтэрэ:

I түһүмэх – Тэрээһин үлэ

•·         Араас матырыйаалы хомуйуу         ·         Иитэр үлэни барыллааһын

•·         О5олор бэйэлэрин бөлөхтөрүн тэрийии      •·         Төрөппүт комитетын талыы

•·         «Үктэл» торуму ылыныы

II түһүмэх -  «Үктэл» торум дьайыылары олоххо киллэрии.

1кылаас – «Мин уонна оскуола»

2кылаас – «Киһилии быһыы»

3кылаас – «Кэрэ эйгэ»

4 кылаас – «Мин сахабын – сахабынан кэрэбин»

III түһүмэх – Түмүктүүр үлэ.  Сыныйан көрүү (тургутуу, мониторинг)

Ким көмөтүнэн үлэ барарый:

Ø  Кылаас салайааччыа

Ø  Куруһуок салайааччыта

Ø  Төрөппүттэр

Ø  Араас талааннаах дьоннор, норуот маастардара

Ø  Попечителлэр, меценаттар          Ø  Договор (бизнеһинэн түмүктэнэр)